១០ សីហា ២០២៦

រដូវធម្មតា សប្តាហ៍ទី១៩ ថ្ងៃចន្ទ

សន្តឡូរង់ ជាឧបដ្ឋាក និងជាមរណសាក្សី

(បុណ្យគោរព)

(ពេលល្ងាច)

ឱព្រះអម្ចាស់អើយ! សូមយាងមកជួយទូលបង្គំ
សូមព្រះអម្ចាស់យាងមកជួយសង្គ្រោះយើងខ្ញុំផង!
សូមកោតសរសើរព្រះបិតា និងព្រះបុត្រា និងព្រះវិញ្ញាណដ៏វិសុទ្ធ
ដែលព្រះអង្គគង់នៅតាំងពីដើមរៀងមក
ហើយជាដរាបតរៀងទៅ។ អាម៉ែន! (អាលេលូយ៉ា!)

ចម្រៀងចូល

ទំនុកតម្កើងលេខ ១១៦,១-៩

បន្ទរទី១៖ ដោយការបូជាជីវិតរបស់លោក សន្តឡូរង់បានផ្តល់សក្ខីភាពអំពីព្រះអម្ចាស់យេស៊ូគ្រីស្ត ហើយបានទទួលរង្វាន់នៃស្ថានបរមសុខ។

ទំនុកតម្កើងលេខ ១១៦,១០-១៩

បន្ទរទី២៖ សន្តឡូរង់ស្រែកឡើងថា៖ ខ្ញុំរីករាយឥតឧបមា ព្រោះខ្ញុំត្រូវគេចាត់ទុកថា ជាជនរងគ្រោះដែលសមធ្វើជាយញ្ញបូជាសម្រាប់ព្រះគ្រីស្ត។

(បទព្រហ្មគីតិ)

បន្ទរ៖ សន្តឡូរង់ស្រែកឡើងថា៖ ខ្ញុំរីករាយឥតឧបមា ព្រោះខ្ញុំត្រូវគេចាត់ទុកថា ជាជនរងគ្រោះដែលសមធ្វើជាយញ្ញបូជាសម្រាប់ព្រះគ្រីស្ត។

បទលើកតម្កើងតាមគម្ពីរវិវរណៈ (វវ ៤,១១.៥,៩-១០.១២)

បន្ទរទី៣៖ ទូលបង្គំសូមអរព្រះគុណព្រះអម្ចាស់យេស៊ូគ្រីស្ត ដែលបានអនុញ្ញាតឱ្យទូលបង្គំចូលទៅកាន់ទ្វារនៃស្ថានបរមសុខ។

សូមកោតសរសើរព្រះបិតា និងព្រះបុត្រា និងព្រះវិញ្ញាណដ៏វិសុទ្ធ
ដែលព្រះអង្គគង់នៅតាំងពីដើមរៀងមក ហើយជាដរាបតរៀងទៅ អាម៉ែន!

បន្ទរ៖ ទូលបង្គំសូមអរព្រះគុណព្រះអម្ចាស់យេស៊ូគ្រីស្ត ដែលបានអនុញ្ញាតឱ្យទូលបង្គំចូលទៅកាន់ទ្វារនៃស្ថានបរមសុខ។

ព្រះបន្ទូលរបស់ព្រះជាម្ចាស់ (១សល ៤,១៣-១៤)

ទំនុកតម្កើងរបស់ព្រះនាងម៉ារី

បន្ទរ៖ សន្តឡូរង់និយាយថា៖ ពេលយប់មិនងងឹតសម្រាប់ខ្ញុំនោះទេ អ្វីៗគ្រប់យ៉ាងភ្លឺដូចជាពន្លឺនៅពេលថ្ងៃត្រង់។

• តាមបែបសូត្រ
• តាមបែបស្មូត

 ពាក្យអង្វរសកល

ពេលនេះ ជាពេលដែលព្រះមហាក្សត្រនៃមរណសាក្សីទាំងឡាយ បានថ្វាយជីវិតរបស់ព្រះអង្គនៅក្នុងបន្ទប់ជាន់ខាងលើ និងនៅលើឈើឆ្កាង។ ចូរយើងអរព្រះគុណព្រះអង្គ និងទូលថា ៖

បន្ទរ៖ ឱព្រះអម្ចាស់អើយ ! យើងខ្ញុំសូមកោតសរសើរព្រះអង្គ !

-ឱព្រះអម្ចាស់អើយ! យើងខ្ញុំសូមកោតសរសើរព្រះអង្គ ជាព្រះសង្រ្គោះនៃយើង ដែលបានធ្វើជាគំរូ និងជួយជំរុញដល់មរណសាក្សីគ្រប់រូប ឱ្យស្រឡាញ់យើងខ្ញុំរហូតដល់ទីបំផុត។ (បន្ទរ)

-សម្រាប់ការត្រាស់ហៅអ្នកបាបទាំងអស់ ឱ្យកែប្រែចិត្តគំនិត ដើម្បីទទួលរង្វាន់នៃជីវិត។ (បន្ទរ)

-សម្រាប់ការជឿទុកចិត្តលើព្រះសហគមន៍ព្រះអង្គ គឺព្រះលោហិតដែលចងសម្ពន្ធមេត្រីថ្មី នៅគង់វង្សអស់កល្បជានិច្ច ដើម្បីបង្ហូរសម្រាប់លើកលែងទោសអំពើបាប។ (បន្ទរ)

-សម្រាប់ការតស៊ូរបស់យើងខ្ញុំ ក្នុងព្រះហឫទ័យប្រណីសន្តោសរបស់ព្រះអង្គនៅថ្ងៃនេះ។ (បន្ទរ)

-សម្រាប់ការរួមបញ្ចូលបងប្អូនយើងខ្ញុំដែលបានទទួលមរណភាព ទៅក្នុងការសោយទិវង្គតរបស់ព្រះអង្គនៅថ្ងៃនេះ។ (បន្ទរ)

ធម៌ “ឱព្រះបិតា”

ពាក្យអធិដ្ឋាន

ឱព្រះជាម្ចាស់អើយ ! ព្រះអង្គប្រោសឱ្យសន្តឡូរង់ស្រឡាញ់ព្រះអង្គយ៉ាងខ្លាំង និងបម្រើព្រះសហគមន៍ដោយចិត្តស្មោះត្រង់ ព្រមទាំងទទួលសិរីរុងរឿងក្នុងនាមជាមរណសាក្សី។ សូមប្រោសឱ្យយើងខ្ញុំចេះស្រឡាញ់អ្វីៗដែលលោកបានស្រឡាញ់ និងប្រព្រឹត្តតាមការប្រៀនប្រដៅរបស់លោក។ យើងខ្ញុំសូមអង្វរព្រះអង្គដោយរួមជាមួយព្រះយេស៊ូគ្រីស្ត ជាព្រះបុត្រាព្រះអង្គ ដែលមានព្រះជន្មគង់នៅ និងសោយរាជ្យរួមជាមួយព្រះបិតា និងព្រះវិញ្ញាណដ៏វិសុទ្ធអស់កល្បជាអង្វែងតរៀងទៅ។ អាម៉ែន!

ពិធីបញ្ចប់៖ ប្រសិនបើលោកបូជាចារ្យ ឬលោកឧបដ្ឋាកធ្វើជាអធិបតី លោកចាត់បងប្អូនឱ្យទៅដោយពោលថា៖
សូមព្រះអម្ចាស់គង់ជាមួយបងប្អូន
ហើយគង់នៅជាមួយវិញ្ញាណរបស់លោកផង។
សូមព្រះជាម្ចាស់ដ៏មានឫទ្ធានុភាពសព្វប្រការ ប្រទានព្រះពរដល់អស់បងប្អូន
គឺព្រះបិតា និងព្រះបុត្រា និងព្រះវិញ្ញាណដ៏វិសុទ្ធ
អាម៉ែន។
សូមអញ្ជើញឱ្យបានសុខសាន្ត
សូមអរព្រះគុណព្រះជាម្ចាស់។
ពេលមានវត្តមានលោកបូជាចារ្យ ឬលោកឧបដ្ឋាក និងបុគ្គលម្នាក់សូត្រ ពាក្យអធិដ្ឋានពេលល្ងាច៖
សូមព្រះអម្ចាស់ប្រទានព្រះពរ និងការពារយើងខ្ញុំឱ្យរួចផុតពីមារកំណាច ព្រមទាំងប្រទានជីវិតអស់កល្បជានិច្ចឱ្យយើងខ្ញុំ។
អាម៉ែន។