១៩ សីហា ២០២៦

រដូវធម្មតា សប្តាហ៍ទី២០ ថ្ងៃពុធ

 (ពេលព្រឹក)

ការអញ្ជើញមុនអធិដ្ឋាននៅពេលព្រឹក

• ឱព្រះអម្ចាស់អើយ! សូមបើកបបូរមាត់របស់ទូលបង្គំ
  សូមឱ្យមាត់របស់ទូលបង្គំថ្លែងពាក្យសរសើរតម្កើងព្រះអង្គ។

បន្ទរ៖ មនុស្ស​នៅ​លើ​ផែន‌ដី​ទាំង​មូល​អើយ ចូរ​បន្លឺសំឡេង​តម្កើង​ព្រះ‌អម្ចាស់ ! ចូរ​គោរព​បម្រើ​ព្រះ‌អម្ចាស់​ដោយ​ចិត្ត​រីក‌រាយ។

ទំនុកតម្កើងតាមការជ្រើសរើស

• ទំនុកតម្កើងលេខ ៩៥
• ទំនុកតម្កើងលេខ ១០០
• ទំនុកតម្កើងលេខ ៦៧
• ទំនុកតម្កើងលេខ ២៤

***

ឱព្រះអម្ចាស់អើយ! សូមយាងមកជួយទូលបង្គំ
សូមព្រះអម្ចាស់យាងមកជួយសង្គ្រោះយើងខ្ញុំផង!
សូមកោតសរសើរព្រះបិតា និងព្រះបុត្រា និងព្រះវិញ្ញាណដ៏វិសុទ្ធ
ដែលព្រះអង្គគង់នៅតាំងពីដើមរៀងមក ហើយជាដរាបតរៀងទៅ។ អាម៉ែន! (អាលេលូយ៉ា!)

ចម្រៀងចូល (សូមជ្រើសរើសបទចម្រៀងមួយ)

ទំនុកតម្កើងលេខ ១០៨

ពាក្យសរសើរតម្កើងព្រះជាម្ចាស់ និងពាក្យទូលអង្វរ

តាំងពីព្រះជាម្ចាស់លើកព្រះបុត្រាឡើងស្ថានបរមសុខ 
សិរីរុងរឿងរបស់ព្រះអង្គត្រូវបានប្រកាសទូទាំងភពផែនដី (Arnobius)។

បន្ទរទី១៖ ឱ​ព្រះ‌ជាម្ចាស់​អើយ ទូល‌បង្គំត្រៀម​ចិត្ត​គំនិត​ជា​ស្រេច !

បន្ទរទី២៖ ព្រះអង្គបានយកសេចក្តីសុចរិត និងការសង្រ្គោះមកពាក់ឱ្យខ្ញុំ។

បន្ទរ៖ ព្រះអង្គបានយកសេចក្តីសុចរិត និងការសង្រ្គោះមកពាក់ឱ្យខ្ញុំ។

ទំនុកតម្កើងលេខ ១៤៦

សុភមង្គលរបស់អស់អ្នកដែលជឿទុកចិត្តលើព្រះជាម្ចាស់
ការសរសើរតម្កើងព្រះជាម្ចាស់ក្នុងជីវិតប្រចាំថ្ងៃរបស់យើង មានន័យថា គ្រប់យ៉ាងដែលយើងធ្វើ ត្រូវតែសម្រាប់សិរីរុងរឿងរបស់ព្រះអង្គ (Arnobius)។

បន្ទរទី៣៖ ខ្ញុំនឹងសរសើរតម្កើងព្រះអម្ចាស់អស់មួយជីវិត។

សូមកោតសរសើរព្រះបិតា និងព្រះបុត្រា និងព្រះវិញ្ញាណដ៏វិសុទ្ធ
ដែលព្រះអង្គគង់នៅតាំងពីដើមរៀងមក ហើយជាដរាបតរៀងទៅ អាម៉ែន!

បន្ទរ៖ ខ្ញុំនឹងសរសើរតម្កើងព្រះអម្ចាស់អស់មួយជីវិត។

ព្រះបន្ទូលរបស់ព្រះជាម្ចាស់ (ទក ៤,៣៩-៤០)

ចូរ​ទទួល​ស្គាល់​នៅ​ថ្ងៃ​នេះ ហើយ​ចង​ចាំ​ថា ព្រះ‌អម្ចាស់​ពិត​ជា​ព្រះ‌ជាម្ចាស់នៅ​លើ​មេឃ និង​នៅ​លើ​ផែន‌ដី គ្មាន​ព្រះ​ណា​ផ្សេង​ទៀត​ឡើយ។ អ្នក​ត្រូវ​កាន់​តាម​វិន័យ និង​បទ‌បញ្ជា​របស់​ព្រះ‌អង្គ ដែល​ខ្ញុំ​បាន​ប្រគល់​ឱ្យ​អ្នក​ក្នុង​ថ្ងៃ​នេះ ដើម្បី​ឱ្យ​អ្នក​មាន​សុភមង្គល គឺ​ទាំង​អ្នក ទាំង​កូន​ចៅ​របស់​អ្នក ហើយ​ឱ្យ​អ្នក​មាន​អាយុ​យឺន‌យូរ​នៅ​លើ​ទឹក​ដីដែល​ព្រះ‌អម្ចាស់ ជា​ព្រះ​របស់​អ្នក ប្រទាន​ឱ្យ​អ្នក​រហូត​ត​ទៅ។

បន្ទរ៖ ខ្ញុំនឹងអរព្រះ‌គុណព្រះ‌អម្ចាស់ *គ្រប់ពេលវេលា។ បន្ទរឡើងវិញ៖...
-ខ្ញុំនឹងសរសើរតម្កើងព្រះ‌អង្គឥតឈប់សោះឡើយ។ បន្ទរ៖ *…
-សូមកោតសរសើរព្រះបិតា និងព្រះបុត្រា និងព្រះវិញ្ញាណដ៏វិសុទ្ធ។ បន្ទរ៖…

ទំនុកតម្កើងរបស់លោកសាការី

បន្ទរ ៖ ចូរយើងគោរពបម្រើព្រះអម្ចាស់ក្នុងភាពដ៏រិសុទ្ធ និងសុចរិតជាទីគាប់ព្រះ‌ហឫ‌ទ័យព្រះ‌ជាម្ចាស់ជារៀងរាល់ថ្ងៃ រហូតអស់មួយជីវិត។

• តាមបែបសូត្រ
• តាមបែបស្មូត

ពាក្យអង្វរសកល

ព្រះគ្រីស្តជាសិរីរុងរឿងរបស់ព្រះបិតា ព្រះអង្គបំភ្លឺយើងខ្ញុំដោយសារព្រះបន្ទូលរបស់ព្រះអង្គ។ យើងខ្ញុំសូមទូលអង្វរព្រះអង្គ ដោយសេចក្តីស្រឡាញ់យ៉ាងជ្រាលជ្រៅថា ៖

បន្ទរ ៖ ឱព្រះមហាក្សត្រនៃសិរីរុងរឿងអស់កល្បជានិច្ចអើយ ! សូមព្រះអង្គសណ្តាប់ពាក្យអង្វររបស់យើងខ្ញុំផង។

សូមលើកតម្កើងព្រះជាម្ចាស់ ព្រះអង្គជាអាល់ផា និងជាអូមេកានៃជំនឿរបស់យើងខ្ញុំ
—ព្រោះព្រះអង្គដែលបានត្រាស់ហៅយើងខ្ញុំចេញពីទីងងឹត ដើម្បីចូលទៅក្នុងពន្លឺដ៏អស្ចារ្យរបស់ព្រះអង្គ។ (បន្ទរ)

ព្រះអង្គបានប្រោសមនុស្សខ្វាក់ឱ្យមើលឃើញ និងមនុស្សថ្លង់ឱ្យស្តាប់ឮ
—សូមព្រះអង្គជួយដល់អ្នកដែលគ្មានជំនឿផង។ (បន្ទរ)

ឱព្រះអម្ចាស់អើយ! សូមព្រះអង្គថែរក្សាការពារយើងខ្ញុំ និងសហគមន៍របស់យើងខ្ញុំ ក្នុងព្រះហឫទ័យស្រឡាញ់របស់ព្រះអង្គ
—សូមកុំឱ្យយើងបែកពីគ្នាឡើយ។ (បន្ទរ)

សូមព្រះអង្គប្រទានកម្លាំងដល់យើងខ្ញុំ នៅពេលយើងខ្ញុំស្ថិតក្នុងការល្បួង និងឱ្យយើងខ្ញុំមានចិត្តស៊ូទ្រាំនៅពេលមានទុក្ខលំបាក
—ហើយឱ្យយើងខ្ញុំមានចិត្តកត្តញ្ញូ នៅពេលសម្បូរសប្បាយផង។ (បន្ទរ)

ធម៌ “ឱព្រះបិតា”

ពាក្យអធិដ្ឋាន

បពិត្រព្រះបិតា ! សូមព្រះអង្គនឹកចាំពីសម្ពន្ធមេត្រីដ៏វិសុទ្ធ ដែលចងឡើងដោយព្រះលោហិតរបស់កូនចៀម។ សូមព្រះអង្គលើកលែងទោសបាបរបស់ប្រជាជន ហើយសូមឱ្យថ្ងៃថ្មីនេះ នាំយើងខ្ញុំមកដល់កាន់តែជិតការសង្រ្គោះផង។ យើងខ្ញុំសូមអង្វរព្រះអង្គ ដោយរួមជាមួយព្រះយេស៊ូគ្រីស្ត ជាព្រះបុត្រាព្រះអង្គ និងជាព្រះអម្ចាស់ ដែលសោយរាជ្យរួមជាមួយព្រះអង្គ និងព្រះវិញ្ញាណដ៏វិសុទ្ធ អស់កល្បជាអង្វែងតរៀងទៅ។

ពិធីបញ្ចប់៖ ប្រសិនបើលោកបូជាចារ្យ ឬលោកឧបដ្ឋាកធ្វើជាអធិបតី លោកចាត់បងប្អូនឱ្យទៅដោយពោលថា៖
សូមព្រះអម្ចាស់គង់ជាមួយបងប្អូន
ហើយគង់នៅជាមួយវិញ្ញាណរបស់លោកផង។
សូមព្រះជាម្ចាស់ដ៏មានឫទ្ធានុភាពសព្វប្រការ ប្រទានព្រះពរដល់អស់បងប្អូន
គឺព្រះបិតា និងព្រះបុត្រា និងព្រះវិញ្ញាណដ៏វិសុទ្ធ
អាម៉ែន។
សូមអញ្ជើញឱ្យបានសុខសាន្ត
សូមអរព្រះគុណព្រះជាម្ចាស់។
ពេលមានវត្តមានលោកបូជាចារ្យ ឬលោកឧបដ្ឋាក និងបុគ្គលម្នាក់សូត្រ ពាក្យអធិដ្ឋានពេលព្រឹក៖
សូមព្រះអម្ចាស់ប្រទានព្រះពរ និងការពារយើងខ្ញុំឱ្យរួចផុតពីមារកំណាច ព្រមទាំងប្រទានជីវិតអស់កល្បជានិច្ចឱ្យយើងខ្ញុំ។
អាម៉ែន។