ថ្ងៃព្រហស្បតិ៍

ឱ! ព្រះអម្ចាស់អើយ! សូមយាងមកជួយទូលបង្គំ
សូមព្រះអម្ចាស់យាងមកជួយសង្គ្រោះយើងខ្ញុំផង!
សូមកោតសរសើរព្រះបិតា និងព្រះបុត្រា និងព្រះវិញ្ញាណដ៏វិសុទ្ធ
ដែលព្រះអង្គគង់នៅតាំងពីដើមរៀងមក
ហើយជាដរាបតរៀងទៅ។ អាម៉ែន!
អាលេលូយ៉ា!

អស់មួយជីវិត

ទំនុកតម្កើងលេខ ១៦ បពិត្រព្រះអម្ចាស់! ព្រះអង្គជាចំណែកមត៌ករបស់ខ្ញុំ

ពេលខ្ញុំទៅរៀបចំកន្លែងទុកឱ្យអ្នករាល់គ្នាហើយ ខ្ញុំនឹងត្រលប់មកវិញយកអ្នករាល់គ្នាទៅជាមួយ ដើម្បីឱ្យអ្នករាល់គ្នាបាននៅកន្លែងដែលខ្ញុំនៅ (យហ ១៤,៣)។

ទំនុកតម្កើងលេខ ១៦(១៥) បទពាក្យ៧

ព្រះបន្ទូលរបស់ព្រះជាម្ចាស់ ១ថស ៥,២៣

សូមព្រះជាម្ចាស់ជាប្រភពនៃសេចក្ដីសុខសាន្ដ ប្រោសបងប្អូនឱ្យបានវិសុទ្ធទាំងស្រុង។ សូមព្រះអង្គថែរក្សាខ្លួនបងប្អូនទាំងមូល ទាំងវិញ្ញាណ ទាំងព្រលឹង ទាំងរូបកាយឱ្យបានស្អាតឥតសៅហ្មង នៅថ្ងៃព្រះយេស៊ូគ្រីស្ដជាអម្ចាស់នៃយើងយាងមក។

បន្ទរៈ ទូលបង្គំសូមប្រគលវិញ្ញាណរបស់ទូលបង្គំទៅក្នុងព្រះហស្ដព្រះអង្គវិញ។

• ឱព្រះនៃទូលបង្គំអើយ! សូមសង្គ្រោះអ្នកបម្រើរបស់ព្រះអង្គ ដែលផ្ញើជីវិតលើព្រះអង្គនេះផង។
• សូមកោតសរសើរព្រះបិតា និងព្រះបុត្រា និងព្រះវិញ្ញាណដ៏វិសុទ្ធ

ទំនុកតម្កើងរបស់លោកតាស៊ីម៉ូន (លក ២,២៩-៣២)

• ជ្រើសរើសបែបសូត្រ
• ជ្រើសរើសបែបស្មូត្រ

ពាក្យអធិដ្ឋាន

បពិត្រព្រះបិតាជាអម្ចាស់ និងជាចំណែកមត៌ករបស់យើងខ្ញុំ! សូមព្រះអង្គធ្វើឱ្យយើងខ្ញុំខិតខំស្វែងរកសុភមង្គលដែលមកតែពីព្រះអង្គប៉ុណ្ណោះ ដូច្នេះ យើងខ្ញុំនឹងរង់ចាំអំណរសប្បាយ ដោយសេចក្តីសង្ឃឹមរួមជាមួយព្រះអង្គ ទោះបីយើងខ្ញុំត្រូវរងទុក្ខលំបាក រហូតដល់បាត់បង់ជីវិតក៏ដោយ។ យើងខ្ញុំសូមទូលអង្វរព្រះអង្គ ដោយរួមជាមួយព្រះយេស៊ូជាព្រះគ្រឹស្ត និងជាអម្ចាស់យើងខ្ញុំ។ អាម៉ែន។

សូមព្រះជាម្ចាស់ធ្វើឱ្យសេចក្តីសុខសាន្តដែលមកពីព្រះអង្គ រក្សាចិត្តគំនិត និងដួងចិត្តរបស់យើងខ្ញុំ ក្នុងអង្គព្រះគ្រីស្តជាអម្ចាស់យើងខ្ញុំផង។ អាម៉ែន។