រដូវធម្មតា សប្ដាហ៍ទី២៨ ថ្ងៃអាទិត្យ
បុណ្យឧទ្ទិសដល់មរណបុគ្គលទាំងឡាយ
បុណ្យរំឭកចាំបាច់ (បុណ្យភ្ជុំ)
(ពេលល្ងាច)
ឱព្រះអម្ចាស់អើយ! សូមយាងមកជួយទូលបង្គំ
សូមព្រះអម្ចាស់យាងមកជួយសង្គ្រោះយើងខ្ញុំផង!
សូមកោតសរសើរព្រះបិតា និងព្រះបុត្រា និងព្រះវិញ្ញាណដ៏វិសុទ្ធ
ដែលព្រះអង្គគង់នៅតាំងពីដើមរៀងមក
ហើយជាដរាបតរៀងទៅ។ អាម៉ែន! (អាលេលូយ៉ា!)
ចម្រៀងចូល (សូមជ្រើសរើសបទចម្រៀងមួយ)
ទំនុកតម្កើងលេខ ១២១
តើមាននរណាជួយខ្ញុំឬទេ?
បន្ទរទី១៖ ព្រះអម្ចាស់នឹងថែរក្សាការពារជីវិតអ្នក កុំអោយការអាក្រក់ណាមួយ កើតមានដល់អ្នកឡើយ។
| ១ | ខ្ញុំងើបមុខឡើង សម្លឹងឆ្ពោះទៅរកភ្នំ តើមាននរណាមកជួយខ្ញុំឬទេ? |
| ២ | គឺមានតែព្រះអម្ចាស់ដែលបានបង្កើតផ្ទៃមេឃ និងផែនដីប៉ុណ្ណោះដែលនឹងយាងមកជួយខ្ញុំ។ |
| ៣ | ព្រះអង្គមិនបណ្តោយឲ្យជើងរបស់អ្នកជំពប់ដួល ព្រះអង្គនឹងថែរក្សាការពារអ្នក ដោយឥតធ្វេសប្រហែស |
| ៤ | ព្រះអង្គដែលថែរក្សាការពារជនជាតិអ៊ីស្រាអែល ព្រះអង្គនឹងមិនងោកងុយ មិនផ្ទំលក់សោះឡើយ។ |
| ៥ | ព្រះអម្ចាស់នឹងថែរក្សាការពារអ្នក ព្រះអម្ចាស់គង់នៅខាងស្តាំ ធ្វើជាម្លប់របស់អ្នក។ |
| ៦ | នៅពេលថ្ងៃ ព្រះអាទិត្យនឹងមិនធ្វើទុក្ខអ្នកឡើយ ហើយនៅពេលយប់ ព្រះចន្ទក៏នឹងមិនធ្វើទុក្ខអ្នកដែរ។ |
| ៧ | ព្រះអម្ចាស់នឹងថែរក្សាការពារជីវិតអ្នក កុំឱ្យការអាក្រក់ណាមួយកើតមានដល់អ្នកឡើយ។ |
| ៨ | ព្រះអម្ចាស់ថែរក្សាអ្នកនៅពេលចេញដំណើរ រហូតដល់ពេលត្រឡប់មកវិញ ចាប់តាំងពីពេលនេះរហូតតរៀងទៅ។ |
សូមកោតសរសើរព្រះបិតា និងព្រះបុត្រា និងព្រះវិញ្ញាណដ៏វិសុទ្ធ
ដែលព្រះអង្គគង់នៅតាំងពីដើមរៀងមក ហើយជាដរាបតរៀងទៅ អាម៉ែន!
បន្ទរ៖ ព្រះអម្ចាស់នឹងថែរក្សាការពារជីវិតអ្នក កុំអោយការអាក្រក់ណាមួយ កើតមានដល់អ្នកឡើយ។
ទំនុកតម្កើងលេខ ១៣០ (១២៩)
(បទពាក្យ ៧)
បន្ទរទី២៖ ឱព្រះអម្ចាស់អើយ ប្រសិនបើព្រះអង្គចងចាំកំហុសរបស់យើងខ្ញុំទុកនោះ គ្មាននរណាម្នាក់អាចរួចខ្លួនបានឡើយ។
| ១- | បពិត្រព្រះជាអម្ចាស់អើយ | ខ្ញុំស្រែកដង្ហើយរកព្រះអង្គ | |
| ពីក្នុងរណ្តៅជ្រៅកន្លង | មេត្តាជួយផងផុតពីស្លាប់ | ។ | |
| ២- | សំឡេងខ្ញុំឮដូចចំរៀង | សូមព្រះអង្គផ្ទៀងព្រះកាណ៌ស្តាប់ | |
| ពាក្យខ្ញុំអង្វរទទូចប្រាប់ | រៀបរាប់រ៉ាយរ៉ាប់សូមសន្តោស | ។ | |
| ៣- | បពិត្រព្រះម្ចាស់ដ៏ឧត្តម | បើព្រះអង្គចាំពីកំហុស | |
| អំពើបាបកម្មជនស្រីប្រុស | គ្មានម្នាក់ណាសោះរួចខ្លួនឡើយ | ។ | |
| ៤- | ប៉ុន្តែព្រះអង្គតែងអត់ទោស | ប្រណីសន្តោសខ្ញុំធូរស្បើយ | |
| រួចផុតទុក្ខទោសបានល្ហែល្ហើយ | គឺព្រះអង្គហើយខ្ញុំគោរព | ។ | |
| ៥- | ខ្ញុំទុកចិត្តលើព្រះអម្ចាស់ | ជីវិតខ្ញុំនេះផ្ញើសព្វគ្រប់ | |
| សង្ឃឹមលើព្រះបន្ទូលគាប់ | មិនឈរមិនឈប់ទេព្រះអង្គ | ។ | |
| ៦- | ខ្ញុំទន្ទឹងចាំព្រះអម្ចាស់ | ជាងអ្នកយាមផ្ទះទៅទៀតផង | |
| ពេលឃើញថ្ងៃរះស្រស់បំព្រង | រួចផុតទុក្ខផងមួយរាត្រី | ។ | |
| ៧- | ឱ! អ៊ីស្រាអែលសូមទុកចិត្ត | ព្រះល្អវិសុទ្ធដោយព្រះទ័យ | |
| មេត្តាករុណាត្រាប្រណី | ទ្រង់សព្វព្រះទ័យជួយជានិច្ច | ។ | |
| ៨- | ព្រះអង្គរំដោះអ៊ីស្រាអែល | ពីកំហុសដែលមានច្រើនតិច | |
| គេបានប្រព្រឹត្តជាប់ជានិច្ច | ព្រះអង្គសម្រេចបានសុខសាន្ត | ។ | |
| សូមកោតសរសើរព្រះបិតា | ព្រះបុត្រានិងព្រះវិញ្ញាណ | ||
| ដែលគង់ស្ថិតស្ថេរឥតសៅហ្មង | យូរលង់កន្លងតរៀងទៅ | ។ |
បន្ទរ៖ ឱព្រះអម្ចាស់អើយ ប្រសិនបើព្រះអង្គចងចាំកំហុសរបស់យើងខ្ញុំទុកនោះ គ្មាននរណាម្នាក់អាចរួចខ្លួនបានឡើយ។
បទលើកតម្កើងតាមភីលីព (ភីល ២, ៦-១១)
បន្ទរទី៣៖ ដូចព្រះបិតាប្រោសមនុស្សស្លាប់ឲ្យមានជីវិតរស់ឡើងវិញ ព្រះបុត្រាប្រទានជីវិតឲ្យនរណាក៏បាន ស្រេចតែនឹងព្រះហប្ញទ័យរបស់ព្រះអង្គ។
| ៦ | ទោះបីព្រះអង្គមានឋានៈជាព្រះជាម្ចាស់ក៏ដោយ |
| ៧ | ផ្ទុយទៅវិញ ព្រះអង្គបានលះបង់អ្វីៗទាំងអស់ មកយកឋានៈជាទាសករ |
| ៨ | ព្រះអង្គបានដាក់ខ្លួន ធ្វើតាមព្រះបញ្ជារហូតដល់សោយទិវង្គត |
| ៩ | ហេតុនេះហើយ បានជាព្រះជាម្ចាស់លើកតម្កើងព្រះអង្គឡើងយ៉ាងខ្ពង់ខ្ពស់បំផុតព្រមទាំងប្រោសប្រទានអោយព្រះអង្គមានព្រះនាមប្រសើរលើសអ្វីៗទាំងអស់ |
| ១០ | ដើម្បីអោយអ្វីៗទាំងអស់ ទាំងនៅស្ថានបរមសុខ |
| ១១ | និងអោយមនុស្សគ្រប់ភាសាប្រកាសឡើងថា |
សូមកោតសរសើរព្រះបិតា និងព្រះបុត្រា និងព្រះវិញ្ញាណដ៏វិសុទ្ធ
ដែលព្រះអង្គគង់នៅតាំងពីដើមរៀងមក ហើយជាដរាបតរៀងទៅ អាម៉ែន!
បន្ទរ៖ ដូចព្រះបិតាប្រោសមនុស្សស្លាប់ឲ្យមានជីវិតរស់ឡើងវិញ ព្រះបុត្រាប្រទានជីវិតឲ្យនរណាក៏បាន ស្រេចតែនឹងព្រះហប្ញទ័យរបស់ព្រះអង្គ។
ព្រះបន្ទូលរបស់ព្រះជាម្ចាស់ (១ករ ១៥,៥៥.៥៧)
មច្ចុរាជអើយ តើទ្រនិចរបស់ឯងនៅឯណា? មច្ចុរាជអើយ តើអំណាចប្រហារជីវិតរបស់ឯងនៅឯណា? ។ សូមអរព្រះគុណព្រះជាម្ចាស់ ព្រោះព្រះអង្គប្រទានឱ្យយើងមានជ័យជំនះ ដោយសារព្រះអម្ចាស់យេស៊ូគ្រីស្ដ។
បន្ទរ៖ ឱព្រះអម្ចាស់អើយ ទូលបង្គំសូមជ្រកកោនជាមួយព្រះអង្គ *អស់អ្នកដែលសង្ឃឹមលើព្រះអង្គ នឹងមិនត្រូវខកចិត្តទេ!។ បន្ទរឡើងវិញ៖…
-យើងខ្ញុំសូមច្រៀង និងស្មូត្រលើកទំនុកតម្កើងឫទ្ធានុភាពរបស់ព្រះអង្គ!។ បន្ទរ៖ *…
-សូមកោតសរសើរព្រះបិតា និងព្រះបុត្រា និងព្រះវិញ្ញាណដ៏វិសុទ្ធ។ បន្ទរ៖…
ទំនុកតម្កើងរបស់ព្រះនាងម៉ារី
បន្ទរ៖ អស់អ្នកដែលព្រះបិតាប្រទានមកខ្ញុំ តែងតែមករកខ្ញុំ ហើយខ្ញុំមិនបោះបង់ចោលអ្នកដែលមករកខ្ញុំជាដាច់ខាត។
ពាក្យអង្វរសកល
ព្រះអង្គជ្រាបនូវសេចក្ដីត្រូវការទាំងប៉ុន្មានរបស់យើង ។ សូមព្រះអង្គទទួលនូវពាក្យអង្វររបស់យើង ដោយអនុគ្រោះ ៖
បន្ទរ ៖ កូនសូមស្រែកទូល អស់ពីដួងចិត្ដ សូមព្រះអម្ចាស់ស្ដាប់សំឡេងកូន។
បពិត្រព្រះបិតា! ព្រះគ្រីស្ដបានសោយទុក្ខលំបាក និងបូជាព្រះជន្មសម្រាប់ព្រះសហគមន៌
- សូមព្រះអង្គគង់នៅជាមួយអស់អ្នក ដែលទទូលរងទុក្ខលំបាកនៅយប់នេះផង។ (បន្ទរ)
បពិត្រព្រះអម្ចាស់ជាព្រះបិតា! សូមព្រះអង្គប្រោសប្រណីដល់យើងខ្ញុំ ដែលមកជួបជុំគ្នានៅពេលនេះ។ សូមព្រះអង្គសម្រាលទុក្ខក្រុមគ្រួសារ ញាតិសនា្ដនរបស់ ...... (ឈ្មោះជាគី្រស្ដបរិស័ទ)។
-សូមពងឹ្រងជំនឿរបស់ពួកគាត់ ឱ្យមានសេចក្ដីសង្ឃឹមជានិច្ចលើព្រះហឫទ័យប្រណីសន្ដោសរបស់ព្រះអង្គផង។ (បន្ទរ)
សូមព្រះអង្គបំពាក់អាវក្រោះសង្រ្គោះ ដល់អ្នកជឿលើព្រះអង្គ
- ហើយសូមការពារពួកគេឲ្យរួចពីមារកំណាចផង ។ (បន្ទរ)
សូមព្រះអង្គពង្រឹងជំនឿរបស់យើងខ្ញុំ នៅពេលនេះ ហើយនៅពេលស្លាប់ផង
- ហើយសូមឲ្យភពផែនដីនេះ បានសេចក្ដីសុខសាន្ដផង ។ (បន្ទរ)
សូមព្រះអង្គទទួល ...... (ឈ្មោះជាគី្រស្ដបរិស័ទ)ដែលបានលាចាកលោកនេះទៅហើយ ឱ្យបានចូលទៅក្នុងពន្លឺនៃស្ថានបរមសុខ
- ដើម្បីឱ្យគាត់អាចយល់ពីព្រះភក្រ្តព្រះអង្គអស់កល្បជានិច្ចផង។ (បន្ទរ)
សូមពង្រឹងជំនឿយើងខ្ញុំចំពោះព្រះគ្រីស្ដ ដែលមានព្រះជន្មរស់ឡើងវិញ។
-សូមឲ្យយើងខ្ញុំជឿសង្ឃឹម និងស្រឡាញ់ តាមគំរូរបស់ព្រះនាងម៉ារី និងផ្ញើជីវិតទាំងស្រុងលើព្រះគ្រីស្ដ ក្នុងគ្រប់កាលៈទេសៈផង។ (បន្ទរ)
ធម៌ “ឱព្រះបិតា”
ពាក្យអធិដ្ឋាន
បពិត្រព្រះជាម្ចាស់ ! ព្រះអង្គពិតជាព្រះបិតាប្រកបដោយធម៌មេត្ដាករុណាយ៉ាងក្រៃលែង។សូមទ្រង់ព្រះមេត្ដាអាណិតអាសូរ....(ឈ្មោះជាគ្រីស្ដបរិស័ទ) ដែលចែកស្ថានទៅហើយ សូមប្រោសប្រទានឱ្យគាត់បានសេចក្ដីសុខសាន្ដ និងបានអំណរសប្បាយដ៏ពេញលេញ រួមជាមួយអស់អ្នកដែលចូលក្នុងព្រះរាជ្យព្រះអង្គផង។ យើងខ្ញុំសូមអង្វរព្រះអង្គដោយរួមជាមួយព្រះយេស៊ូគ្រីស្ត ជាព្រះបុត្រាព្រះអង្គ ដែលមានព្រះជន្មគង់នៅ និងសោយរាជ្យរួមជាមួយព្រះបិតា និងព្រះវិញ្ញាណដ៏វិសុទ្ធអស់កល្បជាអង្វែងតរៀងទៅ។ អាម៉ែន!
ពិធីបញ្ចប់៖ ប្រសិនបើលោកបូជាចារ្យ ឬលោកឧបដ្ឋាកធ្វើជាអធិបតី លោកចាត់បងប្អូនឱ្យទៅដោយពោលថា៖
សូមព្រះអម្ចាស់គង់ជាមួយបងប្អូន
ហើយគង់នៅជាមួយវិញ្ញាណរបស់លោកផង
សូមព្រះជាម្ចាស់ដ៏មានឫទ្ធានុភាពសព្វប្រការ ប្រទានព្រះពរដល់អស់បងប្អូន
គឺព្រះបិតា និងព្រះបុត្រា និងព្រះវិញ្ញាណដ៏វិសុទ្ធ
អាម៉ែន។
សូមអញ្ជើញឱ្យបានសុខសាន្ត
សូមអរព្រះគុណព្រះជាម្ចាស់។
ពេលមានវត្តមានលោកបូជាចារ្យ ឬលោកឧបដ្ឋាក និងបុគ្គលម្នាក់សូត្រ ពាក្យអធិដ្ឋានពេលល្ងាច៖
សូមព្រះអម្ចាស់ប្រទានព្រះពរ និងការពារយើងខ្ញុំឱ្យរួចផុតពីមារកំណាច ព្រមទាំងប្រទានជីវិតអស់កល្បជានិច្ចឱ្យយើងខ្ញុំ។
អាម៉ែន។